Janubiy Koreyaning CASKOD kompaniyasi zavodimizga tashrif buyurdi: ishlab chiqarish quvvatlarimiz bilan tanishish va hamkorlik rejalari muhokama qilindi

Janubiy Koreyaning CASKOD kompaniyasi zavodimizga tashrif buyurdi: ishlab chiqarish quvvatlarimiz bilan tanishish va hamkorlik rejalari muhokama qilindi

Hafta davomida zavodimizda sanoat texnologiyalari sohasida faoliyat yurituvchi Janubiy Koreyaning CASKOD kompaniyasi delegatsiyasi mehmon bo‘ldi. Tashrif chog‘ida mehmonlar korxonamizning ishlab chiqarish quvvatlari, amaldagi jarayonlar hamda rivojlanish istiqbollari bilan yaqindan tanishdilar.

Uchrashuvning asosiy maqsadi — hamkorlik aloqalarini o‘rnatish va mumkin bo‘lgan yo‘nalishlarni belgilashdan iborat bo‘ldi. Tomonlar qo‘shma loyihalar bo‘yicha fikr almashib, tajriba bo‘yicha o‘zaro ma’lumotlar berishdi va kelgusi hamkorlik uchun dastlabki qadamlarni belgilashdi.

Biz CASKOD kompaniyasining korxonamizga bo‘lgan qiziqishini yuksak qadrlaymiz va bu tashrif o‘zaro manfaatli hamkorlikka yo‘l ochadi, degan umiddamiz.